Beach Solpor

Beach Solpor é unha empresa creada en 2002, especializada na xestión de cafeterías, restaurantes, hoteis e comedores universitarios.

En máis de 20 anos de traxectoria consolidamos unha sólida presenza en Santiago de Compostela. Ademais do Balcón das Brañas, o café bar da nova Estación Intermodal, xestionamos as cafeterías de varias facultades da Universidade de Santiago de Compostela (USC) e a cafetería do Hospital Clínico (Urxencias).

A experiencia de Beach Solpor tamén inclúe a xestión de proxectos gastronómicos como o Club Náutico de Portosín, a cervexaría Solpor de Noia, o restaurante-hotel Almar de Sanxenxo ou chiringuitos en praias como as do Grove, Baiona, Nigrán ou A Lanzada.

Os proxectos gastronómicos caracterízanse por unha aposta polos produtos galegos de calidade e un servizo excelente. Comprometémonos a ofrecer unha ampla e variada oferta, con elaboración esmerada, para gozar o mellor do sabor da comida caseira.

Comida sa e saudable, cun servizo rápido e unha oferta adaptada á comunidade universitaria.

Somos un sopro de aire fresco para a comunidade universitaria da USC que busca unha solución áxil para as súas comidas, pero tamén moi saudable.

Por que conformarse con bocadillos con pouca graza, comidas rápidas ou ensaladas de bolsa?

Os nosos pratos recuperan o sabor da comida caseira, pero con toda a variedade imaxinable. Ensaladas frescas, caldo, arroces, pescado… a prezos imbatibles.

Oferta variada e completa. Menús distintos para cada día da semana nas cafeterías que xestionamos nestas facultades da USC:
• ETSE: Avenida Lope Gómez de Marzoa. Campus Sur.
• Filoloxía: Avenida Castelao. Campus Norte.
• Humanidades: Campus de Lugo.

Ocupámonos da xestión de Solpor, a cafetería de Urxencias do Hospital. Ofrecemos un menú diferente para cada día da semana, que cambia tamén para a comida e a cea. Un menú variado e saudable, para todos os gustos.

O noso obxectivo é ofrecer un servizo de calidade, nun ambiente apracible e reconfortante, que faga máis levadía a espera ás persoas que acompañan a pacientes, nesas horas que sempre parecen eternas.

Un local singular, un espazo perfecto para compartir momentos, encontros, reencontros… O timing e o modo, á túa elección. Pode ser o espazo de avituallamento para o viaxeiro con pouco tempo e necesita recuperar enerxía entre a orixe e o destino da súa ruta.

Tamén é unha opción moi atractiva para balconear, unha proposta para gozar con calma, en modo relax da proposta gastronómica no espazo chillout, cunha ampla terraza, que convida a asomarse ao noso balcón con vistas ás Brañas do Sar, coa súa variada vexetación, e a Cidade da Cultura na cima do outeiro do Monte Gaiás.

Un espazo conectado a cidade mediante a pasarela da moderna Estación Intermodal de Santiago e que permitirá gozar de eventos culturais (música, arte, etc,) ao longo do tempo.
Porque talvez, a vida, a intres, sexa sinxelamente balconear…